مدرس كيمياء رزق بولد …. فسماه سامي أكسيد الكربون .
واحد بيقول لصاحبه هوانا لما ابوس اختك نبقى نسايب قاله لأ نبقى خالصين .
مرة واحد بخيل جدا خبط فى حيطة اتعور جامد اوى و قعد ينزف شافه واحد عسكرى قال له : اشوفلك دكتور قال له لا شوفلى حد يشترى الدم اللى نازل ده.
واحد صعيدى بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه
صيدلى رايح يستلم من زميله الشفت بتاعه لقى زبون مبينطقش و مش واقف على بعضه فالصيدلى سأل زميله ماله الجدع ده؟ قاله ابدا عنده كحة و قرفنى من كتر كحته قاله و عملت ايه؟ قاله اديته ملين للامساك قاله ليه ماديتوش دواء للكحة؟ قاله كدة احسنله و لو راجل يبقى يكح
محشش بيلف سجارة حشيش وقت اذان المغرب و عياله بيتوضوا للصلاة و ابو المحشش قاعد على السرير بيتفرج على المنظر فقال لابنه المحشش بالله عليك مش مكسوف من نفسك و عيالك رايحين للمسجد و انت قاعد تلف سيجارة قال المحشش شوفت الفرق بين تربيتى و تربيتك
غبى اتصل بخدمة العملاء و قالهم كان عندى شريحة و اخويا بلعها قالوله و ايه المطلوب ؟ قالهم عايز اسأل لو اخويا اتكلم دلوقتى هيسحب من الرصيد
محشش اجر بيت مسكون و هو قاعد بيحشش الجن قال لما اطلع اخوفه شويا .. المهم الجن طلع قعد جنبه و قاله ممكن سيجارة ؟؟ قاله اتفضل الجن نزل متنرفز اوى ان الرجل مخافش راح فاتح بطنه و شايل عينه و طلع قاله ممكن سيجارة قاله اتفضل الجن جاب اخره بقى راح شايل العمود الفقرى و قطع ايدوا و كسر رجله و طلع قاله ممكن سيجارة قاله انت مش ملاحظ ان التدخين بيدمر صحتك
المصدر: منتدي الخليج
ليست هناك تعليقات:
إرسال تعليق